عاجل| «علشان تاخد لحسة من التريند».. المطربة إيناس عز الدين ترد على ممثلة تحمل نفس اسمها
ردت المطربة إيناس عز الدين على تصريحات الممثلة إيناس عز الدين التي اتهمتها خلالها بمحاولة استغلال اسمها وصورتها لتحقيق الشهرة والتريند على حسابها.
المطربة إيناس عز الدين ترد على ممثلة تحمل نفس اسمها
وقالت المطربة إيناس عز الدين في أول تعليق لها على صفحتها بـ”فيس بوك”: «يا ستي هو إنتي حد جه جنبك ولا داسلك على طرف.. أنا كتبت على صفحتي عن اللي حصل معايا بسبب الزعل والحزن وصدمة اتعرضتلها كانت هتفقدني حياتي وبطمن أهلي وإخواتي وإصحابي وحبايبي كتر ألف خيرهم، والصحافة كتبت وطمنوا الناس عني كتر ألف خيرهم مشكورين رغم إني لا طلبت يكتبوا ولا عمري ببعت أخبار ليا لأي صحفي رغم إن كلهم إخواتي وأصحابي وحبايبي وبنسأل على بعض طول الوقت ويقعدوا يقولولي يا بنتي ابعتيلنا أي أخبار تخصك عن أي جديد ليكي ومش ببعت ولا عندي مسئول إعلامي ولا بعرف حد علشان مصلحة إنه يكتب عني إلا لما حد بيكلمني وبيسألني أو يطلب يعمل معايا حوار عمري ما بزعله وبتشرف جدًا كمان فلما يتكتب خبر في مليون موقع وتتحط صورتك بالخطأ على خبر أو اثنين منهم زي ما دايمًا بيحصل وبيحصل معايا برضوا وبكبر دماغي لأني لما اتكلمت قبل كده اتقاللي إن المحررين أحيانًا بيغلطوا ويتلخبطوا وده بيحصل مع فنانين كتير جدًا وسبحان الله مش بشوف حد فيهم بيتكلم بالأسلوب ده».
وأضافت: «ترند إيه ومين اللي استغلوا صورك علشان يحققوا الترند يافندم ومين اللي عايز يركب ترند على حسك وبصورك.. صورتك على الخبر في موقع أو اتنين من بين ألف خبر، يعني علشان نفهم الكلام موجه لمين ونعرف نرد».
واختتمت: «طب كنتي قولي سلامات بدل الكلمتين دول، ده والله فيه ناس ما بتطلع ترند إلا لما بتدخل على أي خط فيه إسمي وصورتي ويحطوه في جملة مفيدة، والله هم يبكي وهم يضحك وهم يا جمل».
Source: جريدة الدستور
محمد سعد لـ الفجر الفني: سامح عبدالعزيز مخرج بيركز في التفاصيل والدشاش كان بيتعبني لكن مليان تفاصيل “
التقي الفجر الفني بالفنان محمد سعد خلال العرض الخاص لفيلم الدشاش، وتحدث عن الكثير من التفاصيل والتحضيرات للعمل.
تصريحات محمد سعد:
وقال الفنان محمد سعد لـ الفجر الفني: فيلم الدشاش أخذ تحضيرات كتير وتعبني جدا في تجهيز الشخصية لكن الفيلم مليان تفاصيل كتير وكان في مباراة تمثيلية بين كل النجوم، وكمان المخرج سامح عبدالعزيز مخرج بيركز في التفاصيل كويس أو ي ومستحيل حاجه تعدي منه”.
وأضاف:” أنا حبيت شخصية الدشاش لكن مأثر عليا بعدين أيوة تعبني لكن مش لسه معايا ولا حاجه، بتمني الفيلم يعجب الناس ويحبوه وأكون قدرت أقدم اللى طلبوه مني”.
وعن عام 2024 كيف كان وامنياته في 2025 قال:” 2024 كنت بتابع الناس على السوشيال ميديا بتقول ايه وعايزه ايه وكنت بقرأ ورق كتير، وبتمني في السنة الجديدة أن اكون قدرت أرجع للناس بالشكل اللى حباه”.
وعن تشبه شكله في الدشاش بشكل محمد رمضان في الأسطورة قال:” لا الدقن دي بتاعتي مش لازق”.
تفاصيل فيلم الدشاش:
وتدور أحداث الفيلم في إطار اجتماعي كوميدي، يقدم محمد سعد خلاله شخصية رئيس عصابة وبلطجى متزوج من نسرين طافش، فيما تظهر نسرين أمين بدور راقصة ضمن أحداث العمل.
ويضم فيلم “الدشاش” بجانب محمد سعد بطولة زينة، باسم سمرة، نسرين أمين، نسرين طافش، خالد الصاوي، وليد فواز، محمد جمعة، رشوان توفيق، أحمد الرافعي، مريم محمود الجندي، ومحمد يوسف أوزو، والعمل من تأليف جوزيف فوزي وإخراج سامح عبدالعزيز.
Source: الفجر الفني