تريند البنات يشتعل.. هل الزواج هو العدو الخفي لمسيرة النجمات؟
في زمن تتسابق فيه النجمات على النجومية والصدارة، يظل سؤال واحد يتكرر بإلحاح خلف الكواليس:هل الزواج حلم يدعم الفنانة… أم قيد يطفئ بريقها؟
تريند البنات عاد ليفتح هذا الملف الساخن، بعد أن تصدرت السوشيال ميديا موجة من الاعترافات الصريحة من نجمات عربيات، قررن كسر حاجز الصمت، والبوح بحقيقة قد لا تروق للجميع…الزواج ممكن يعطل، يكسر، يهدم، ويؤجل… ولو ماكنتيش قوية، بيدوسك تحت رجليه.
الممثلة سمية الخشاب قالتها بوضوح ودون مواربة: “آه.. الزواج عطّلني.. ضيّع عليّا فرص كتير جدًا، وكنت أقدر أوصل لأكتر بكتير لو كنت ركّزت في شغلي من الأول.”
أما النجمة سلافة معمار، فاختارت أن تكون أكثر رقة لكنها أكثر صدقًا: “كنت متزوجة من رجل رائع، لكن طبيعة مهنتنا مش سهلة… وده كان سبب الطلاق.”كلماتها كشفت عن حقيقة صادمة: النجاح في الفن قد لا يتحمّل شريكًا لا يفهم قسوة الضوء ولا مرارة الغياب الطويل عن البيت.
الفنانة غادة عبد الرازق من ناحيتها، ربطت فشل بعض العلاقات الزوجية في الوسط الفني بعدم تقبّل الرجل لنجاح زوجته، وقالت: “مش كل راجل يتحمّل يكون مراته هي اللي تحت الأضواء، خصوصًا لو هو مش مشهور زيها أو مش ناجح كفاية.”
وتتفق معها الفنانة إليسا، التي فضّلت البُعد عن الارتباط داخل الوسط قائلة:”ما بآمنش بالزواج من فنان… عايزة راجل من برّا المجال، يكون داعم وما يدخلش في شغلي.”
وفي موقف جريء، صرّحت الفنانة منة شلبي في لقاء سابق: “أنا مش ضد الجواز، بس مش على حساب نفسي… مش هسيب فني عشان أطبخ كل يوم.”ضحكتها وقتها كانت خفيفة، لكن معناها كان أعمق من مجرد نكتة عابرة… كانت رسالة لكل بنت بتحلم تنجح وتحافظ على كيانها.
أما النجمة ياسمين عبد العزيز، فكانت لها تجربة شهيرة، بعد أن غابت لفترة طويلة عن الساحة الفنية بسبب الحياة الزوجية، لكنها عادت بقوة وقالت: “أنا دفعت تمن غالي.. بس كل مرة بكتشف إن النجاح حبي الحقيقي.”
وحتى في الجيل الجديد، خرجت بعض النجمات الشابات بتصريحات تؤكد أن الأولوية الآن للشغف، مش للزفاف.
إذًا… هل الزواج يُطفئ نجماتنا؟
الواقع بيقول: مش دايمًا،لكن الحقيقة الأهم… إن الزواج مش دايمًا سند،بعضه بيكمل الرحلة، وبعضه بيمزق خريطة الأحلام.
في وسط ده كله، تظهر “بطلات حقيقيات”، اخترن إنهن يشتغلوا على نفسهم، ينجحوا، يتأخروا عن الحب شوية… بس مايتأخروش عن نفسهم والسؤال اللي بيترن في ودن كل بنت دلوقتي:لو لقيتي نفسك واقفة بين الشهرة والجواز… تختاري إيه؟
Source: الفجر الفني
تامر حسني بعد حريق سنترال رمسيس: “ريستارت بيتحقق.. وكنت عندي حق لما قلت لازم نعرف نتصرف لو النت قطع”
علّق النجم تامر حسني على أزمة انقطاع خدمات الإنترنت والاتصالات التي شهدتها بعض المناطق في القاهرة عقب حريق سنترال رمسيس، مؤكدًا أن فيلمه الجديد “ريستارت” كان يحمل رسالة تحذيرية من هذا السيناريو.
ونشر تامر حسني مقطع من الفيلم معلقًا:”ريستارت بيتحقق.. مفيش نت مفيش مكالمات مفيش بنوك، يعني كان عندي حق لما طالبت في الفيلم إن لازم إحنا كبلاد وكشعوب نعرف نتصرف لو النت قطع، ونبقى مأمنين نفسنا وأولادنا وأهالينا والناس التعبانين في المستشفيات، لإن الموضوع خطير فعلًا، لإن بجد حرفيًا بقت حياتنا ومصالحنا متعلقة بشكل كلي على الإنترنت، وربنا يستر على سنترال رمسيس وموظفينه وعماله وأهالي المنطقة المجاورة”.
قصة فيلم ريستارت
يحلم “محمد” تامر حسني مهندس بسيط يعمل في صيانة الهواتف، بالزواج من عفاف “هنا الزاهد “فتاة طموحة تسعى للانتشار كمؤثرة على السوشيال ميديا. لكن الظروف المادية تقف عائقًا أمام تحقيق حلمهما، فيقرر الثنائي خوض مغامرة غير متوقعة بمساعدة عائلتيهما، المعروفَتين بروحهما الفكاهية، لتحقيق الشهرة عبر الإنترنت، ومع دخول “الجوكر”، وكيل رقمي غامض وذو نوايا مبهمة، تنقلب حياتهم رأسًا على عقب، ويصلون إلى قمة النجاح، لكن هذا النجاح لا يأتي بلا ثمن، إذ تبدأ العائلة في التفكك تدريجيًا، وتضيع المبادئ التي كانت تجمعهم.
أبطال فيلم ريستارت
يضم العمل مجموعة لافتة من النجوم إلى جانب تامر حسني وهنا الزاهد، منهم عصام السقا، محمد ثروت، باسم سمرة، ميمي جمال، ورانيا منصور، مع ظهور مميز لعدد من ضيوف الشرف، الفيلم من توقيع المخرجة سارة وفيق، المعروفة بقدرتها على تقديم أعمال فنية نابضة بالحيوية.
الأغنية الدعائية لفيلم ريستارت
وطرح تامر حسني كليب بالمشاركة مع رضا البحراوي لأغنية “المقص” وهى الأغنية الدعائية لفيلم ريستارت، من كلمات تامر حسني.
كلمات الأغنية
بغني وأقول موال عن صحبة الأندال
لما صاحبنا آمنا
ولما عاشرنا ندمنا
بس خلاص اتعلمنا
يا معانا يا مش معانا
مالناش في النص نص
عايز تقطع علاقتنا
خد يلا المقص وقص
ناس غريبة جدًا
ولا أي شيء كان عاجب
نديهم عنينا
يقولوا طب ما تجيبوا الحواجب
مش مهم الوجع
المهم عرفنا مين فينا ندل ومين جدع
إحنا آه جدعان وناس أصيلة وطيبين
بس عند الكرامة لأ
ولا بيفرق هنخسر مين
إحنا ماسبناش حد كويس
هو اللي مامسكش كويس.
Source: الفجر الفني